లీలావతి హాస్పిటల్‌లో విజయవంతంగా ఉదర హిస్టెరెక్టమీ ఆపరేషన్..

డాక్టర్ లావు సుష్మ కి కృతజ్ఞతలు.. చిలకలూరిపేట:స్థానిక పట్టణంలోని ప్రముఖ వైద్యశాల లీలావతి హాస్పిటల్ మరో అరుదైన మైలురాయిని చేరుకుం...

డాక్టర్ లావు సుష్మ కి కృతజ్ఞతలు..

చిలకలూరిపేట:స్థానిక పట్టణంలోని ప్రముఖ వైద్యశాల లీలావతి హాస్పిటల్ మరో అరుదైన మైలురాయిని చేరుకుంది. ప్రముఖ గైనకాలజిస్ట్ డాక్టర్ లావు సుష్మ ఆధ్వర్యంలో ఒక మహిళకు అత్యంత క్లిష్టమైన ఉదర హిస్టెరెక్టమీ (Abdominal Hysterectomy) శస్త్రచికిత్సను వైద్య బృందం విజయవంతంగా పూర్తి చేసింది.గత కొంతకాలంగా గర్భాశయ సంబంధిత సమస్యలతో బాధపడుతున్న మహిళకు, పరీక్షల అనంతరం గర్భాశయాన్ని తొలగించడమే సరైన పరిష్కారమని డాక్టర్లు నిర్ణయించారు.డాక్టర్ లావు సుష్మ  ఆధునిక వైద్య పరికరాల సహకారంతో 'అబ్డామినల్ హిస్టెరెక్టమీ' పద్ధతిలో శస్త్రచికిత్స నిర్వహించి, గర్భాశయాన్ని సురక్షితంగా తొలగించారు.శస్త్రచికిత్స అనంతరం రోగి పూర్తిగా కోలుకున్నారని, ఆమె ఆరోగ్యం ప్రస్తుతం నిలకడగా ఉందని వైద్యులు వెల్లడించారు.ఈ సందర్భంగా డాక్టర్ లావు సుష్మ మాట్లాడుతూ మహిళలు గర్భాశయ సంబంధిత సమస్యలను నిర్లక్ష్యం చేయకూడదని సూచించారు. సరైన సమయంలో వైద్యులను సంప్రదిస్తే, ఆధునిక చికిత్సా పద్ధతుల ద్వారా ఆరోగ్య సమస్యల నుండి త్వరగా బయటపడవచ్చని ఆమె పేర్కొన్నారు. చిలకలూరిపేట పరిసర ప్రాంత ప్రజలకు అత్యాధునిక వైద్య సేవలను అందుబాటులోకి తీసుకురావడమే తమ లక్ష్యమని వివరించారు.లీలావతి హాస్పిటల్‌లో ఉన్న నిపుణులైన వైద్య బృందం మరియు అత్యాధునిక వసతుల పట్ల రోగి బంధువులు హర్షం వ్యక్తం చేస్తూ, డాక్టర్ లావు సుష్మ కి కృతజ్ఞతలు తెలిపారు.