ఎడ్లపాడు పోలీస్ స్టేషన్‌లో విజయదశమి సందర్భంగా ఘనంగా ఆయుధ పూజ..

ఎడ్లపాడు: విజయదశమి పర్వదినాన్ని పురస్కరించుకొని ఎడ్లపాడు పోలీస్ స్టేషన్లో శనివారం పోలీసు సిబ్బంది ఘనంగా ఆయుధ పూజ నిర్వహించారు. స...

ఎడ్లపాడు: విజయదశమి పర్వదినాన్ని పురస్కరించుకొని ఎడ్లపాడు పోలీస్ స్టేషన్లో శనివారం పోలీసు సిబ్బంది ఘనంగా ఆయుధ పూజ నిర్వహించారు. స్థానిక ఎస్‌ఐ శివరామకృష్ణ ఆధ్వర్యంలో జరిగిన ఈ కార్యక్రమంలో పోలీసు సిబ్బంది తరతరాలుగా వస్తున్న సంప్రదాయాన్ని కొనసాగిస్తూ తమ విధుల్లో వినియోగించే ఆయుధాలకు ప్రత్యేక పూజలు చేశారు.ఈ సందర్భంగా ఎస్‌ఐ శివరామకృష్ణ మాట్లాడుతూ, ఆయుధ పూజ విజయదశమి పర్వదినానికి చిహ్నంగా ఎప్పటినుండో కొనసాగుతున్న ఆచారమని, ధర్మానికి అండగా ఉండే శక్తులకు నమస్కరించడం ఈ పండుగ ఉద్దేశమని అన్నారు. పోలీసు సిబ్బంది క్రమశిక్షణతో, అంకితభావంతో ప్రజలకు సేవ చేయడానికి సంకల్పం వ్యక్తం చేశారు.అనంతరం పోలీసు సిబ్బంది అందరూ కలసి పండుగ వేడుకల్లో పాల్గొని, ప్రజల సుఖసంతోషాలు కాంక్షించారు.