గణేశ్​ మండపం ఏర్పాటు చేస్తున్నారా? .. ఐతే ఈ రూల్స్ తప్పక పాటించాలి: రూర‌ల్ సీఐ బి సుబ్బానాయుడు

నాయక చవితి వచ్చేస్తోంది. ఇప్పటికే తెలంగాణలో గణేశ్ చతుర్థి సందడి  మొద‌ల‌య్యింది అయింది. ఇంకా కొన్ని రోజుల్లో  ఏ వీధిలో చూసినా గణే...

నాయక చవితి వచ్చేస్తోంది. ఇప్పటికే తెలంగాణలో గణేశ్ చతుర్థి సందడి  మొద‌ల‌య్యింది అయింది. ఇంకా కొన్ని రోజుల్లో  ఏ వీధిలో చూసినా గణేశ్ మండపం ఏర్పాట్లతో సందడి సందడి నెల‌కొని ఉంటుంది. చిన్నాపెద్దా అంతా మండపాలను ఏర్పాటు చేసి భక్తి శ్రద్ధలతో బొజ్జ గణపయ్యను పూజిస్తారు. అన్నదానాలు, సాంస్కృతిక కార్యక్రమాలు అంటూ వినాయక నవరాత్రులు అంగరంభ వైభవంగా నిర్వహిస్తారు. అయితే విగ్రహాల ఏర్పాటు నుంచి నిమజ్జనం వరకు  కొన్ని నిబంధనలు తప్పక పాటించాల్సిందేనని చిల‌క‌లూరిపేట రూర‌ల్ సీఐ బి సుబ్బానాయుడు  అంటున్నారు. మరి ఆ రూల్స్ ఏంటో చూద్దామా?

► గణేశ్‌ మండపాలను ఇరుకైన వీధుల్లో ఏర్పాటు చేయరాదు.

►మండపాల వద్ద మద్యం సేవించరాదు. జూదం ఆడరాదు. చట్ట వ్యతిరేక కార్యకలాపాలకు పాల్పడవద్దు.  

►మండపం వద్ద కనీసం ముగ్గురు వలంటీర్లు 24 గంటలు అందుబాటులో ఉండాలి. ప్రతి రోజు వలంటీర్ల పేర్లను నమోదు చేసి సంతకం తీసుకోవాలి. 

►మండపాలను గాలి, వానకు కూలిపోకుండా పకడ్బందీగా నిర్మించాలి. రద్దీగా ఉండే మండపాల వద్ద బారికేడ్లు ఏర్పా టు చేయాలి. వలంటీర్లు భక్తులను తనిఖీ చేశాకే మండపం వద్దకు పంపాలి.   

►మండపంలోకి ఎలాంటి మండే పదార్థాలు లేదా పటాకులు ఉంచకుండా తగిన జాగ్రత్తలు తీసుకోవాలి. నూనెతో వెలిగించే దీపాల విషయంలో జాగ్రత్తలు తప్పనిసరి.  

►మండపాల వద్ద నిర్వాహకులు తప్పనిసరిగా వీడియో కెమెరాలు, సీసీటీటీలు ఏర్పాటు చేసుకోవాలి. 

►రాత్రి వేళ మండపంలోకి పశువులు, కుక్కలు చొరబడకుండా అడ్డుగా కంచె ఏర్పాటు చేసుకోవాలి.

►సౌండ్‌ బాక్స్‌లను స్థానిక పోలీసుల‌ అనుమతి లేకుండా ఉపయోగించరాదు.

►శబ్ధ స్థాయిలను అనుమతించదగిన ప రిమితుల్లోనే ఉంచాలి. భారత సర్వోన్న త న్యాయస్థానం ఆదేశాల మేరకు రాత్రి 10 గంటల నుంచి ఉదయం 6 గంటల మధ్య లౌడ్‌స్పీకర్లు, పబ్లిక్‌ అడ్రసింగ్‌ సిస్టమ్‌లను ఉపయోగించకూడదు. 

►మండపాల వద్ద ఎలాంటి అసభ్యకరమైన పాటలు, ప్రకటనలు చేయకుండా భక్తి పాటలను మాత్రమే ప్లే చేయాలి. 

►ఏదైన సమాచారం కోసం డయల్‌ 100 లేదా స్థానిక పోలీసులను సంప్రదించాలి.