లీలావతి హాస్పిటల్స్‌లో గర్భాశయ అసమర్థతకు విజయవంతంగా ఎన్‌సెర్క్లేజ్ ఆపరేషన్.

చిలకలూరిపేట:గర్భాశయ అసమర్థతతో బాధపడుతున్న ఓ గర్భిణికి చిలకలూరిపేటలోని లీలావతి హాస్పిటల్స్‌లో డాక్టర్ లావు సుష్మ ఆధ్వర్యంలో గర్భా...

చిలకలూరిపేట:గర్భాశయ అసమర్థతతో బాధపడుతున్న ఓ గర్భిణికి చిలకలూరిపేటలోని లీలావతి హాస్పిటల్స్‌లో డాక్టర్ లావు సుష్మ ఆధ్వర్యంలో గర్భాశయ ఎన్‌సెర్క్లేజ్ ఆపరేషన్ విజయవంతంగా పూర్తయింది.5 సార్లు గర్భం దాల్చి, అందులో 3 సార్లు గర్భస్రావం జరిగి, ఒక ప్రత్యక్ష బిడ్డ ఉన్న ఈ గర్భిణి ప్రస్తుతం ఐదో నెల గర్భవతి. మునుపటి గర్భస్రావాల చరిత్ర, ప్రస్తుత గర్భధారణలో గర్భాశయ అసమర్థత సమస్య ఉండటం వలన, ఆమెకు గర్భాన్ని నిలబెట్టడానికి అత్యవసరంగా ఈ ఆపరేషన్ చేయాల్సి వచ్చింది.గైనకాలజిస్ట్ డాక్టర్ లావు సుష్మ పర్యవేక్షణలో, గర్భాశయ అసమర్థతను సరిదిద్దడానికి, గర్భధారణను సురక్షితంగా కొనసాగించడానికి ఉద్దేశించిన ఈ ఎన్‌సెర్క్లేజ్ ప్రక్రియను లీలావతి హాస్పిటల్స్ వైద్య బృందం పూర్తి చేసింది. ప్రస్తుతం, ఆపరేషన్ చేయించుకున్న గర్భిణి ఆరోగ్య పరిస్థితి నిలకడగా ఉందని, వైద్యులు ఆమెను పర్యవేక్షిస్తున్నారని ఆసుపత్రి వర్గాలు తెలిపాయి. సరైన సమయంలో చేసిన ఈ శస్త్రచికిత్సతో గర్భిణికి, శిశువుకు ముప్పు తప్పిందని వైద్యులు పేర్కొన్నారు.