నిద్ర

శరీరానికి సంబంధించిన విశ్రాంతి స్థితి నిద్ర. ఇది మనుషులలోనే కాకుండ జంతువులు పక్షులు , సరీసృపాలు , ఉభయచరాలు మరియు చేపలలో కూడా కనిపిస్తుంది. ...

శరీరానికి సంబంధించిన విశ్రాంతి స్థితి నిద్ర. ఇది మనుషులలోనే కాకుండ జంతువులు పక్షులు, సరీసృపాలు, ఉభయచరాలు మరియు చేపలలో కూడా కనిపిస్తుంది. మనుషులు, ఇతర జంతువులలో దైనందిక నిద్ర బ్రతకడానికి అవసరం. మానవ జీవితంలో నిద్ర ప్రాథమిక అవసరం, శారీరకపరంగా అత్యంత ముఖ్యమైనది కుడా. కోన్ని రకాల పరిశోధనల వల్ల 8 గంటల కంటే తక్కువ నిద్రపోయిన వారిలో శరీర సామర్ధ్యం తగ్గినట్లుగా గుర్తించారు. అయితే నిద్ర యొక్క ప్రాముఖ్యత ఇంకా పూర్తిగా అర్ధం కాలేదు దీని గురించి విస్తృతమైన పరిశోధనలు జరుగుతున్నాయి.

 రోజుకు ఎన్ని గంటలు నిద్రపోవాలి

సామాన్యంగా పిల్లలకు పెద్దలకంటే ఎక్కువగా నిద్ర అవసరం. ఇది వారి శారీరక పెరుగుదలకు మానసిక అభివృద్ధికి చాలా అవసరం. అప్పుడే పుట్టిన పిల్లలైతే సుమారు 18 గంటల నిద్ర అవసరం, వారు పెరుగుతున్న కొద్దీ ఇది తగ్గిపోతుంది.

వయసును బట్టి రోజుకు కావలసిన సగటు నిద్ర

పురిటిబిడ్డ                  సుమారు 18 గంటలు

1–12నెలలు               14–18 గంటలు

1–3సంవత్సరాలు        12–15 గంటలు

3–5సంవత్సరాలు        11–13 గంటలు

5–12సంవత్సరాలు      9–11 గంటలు

గర్భణీ స్త్రీలు               8 (+) గంటలు

యువకులు                10 గంటలు

పెద్దవారు                   7–8 గంటలు

నిద్ర యొక్క ఉపయోగాలు

• నిద్ర వలన మెదడుకు విశ్రాంతి దొరుకుతుంది. దానితో జ్ఞాపకశక్తి పెరుగుతుంది.
• నాడీ వ్యవస్థ సరిగా పనిచేసేందుకు దోహదం చేస్తుంది.
• శరీరంలో రోగ నిరోధక శక్తిని అభివృద్ధి చేస్తుంది.
•  హార్మోన్ల ఉత్పత్తి, నియంత్రణ నిద్ర వలన సక్రమంగా జరుగుతుంది.
•  నిద్ర తగ్గితే కేన్సర్ వచ్చే అవకాశం ఎక్కువ