సైబర్ నేరగాళ్ల పట్ల అప్రమత్తంగా ఉండండి: కమిషనర్ పి.శ్రీహరిబాబు హెచ్చరిక.

చిలకలూరిపేట: పట్టణంలోని వ్యాపారస్తులు సైబర్ నేరగాళ్ల ఉచ్చులో పడవద్దని చిలకలూరిపేట మున్సిపల్ కమిషనర్ పి. శ్రీహరిబాబు ప్రత్యేక ప్ర...

చిలకలూరిపేట: పట్టణంలోని వ్యాపారస్తులు సైబర్ నేరగాళ్ల ఉచ్చులో పడవద్దని చిలకలూరిపేట మున్సిపల్ కమిషనర్ పి. శ్రీహరిబాబు ప్రత్యేక ప్రకటన విడుదల చేశారు. మున్సిపల్ అధికారుల పేరుతో కొందరు వ్యక్తులు మోసాలకు పాల్పడుతున్నట్లు తమ దృష్టికి వచ్చిందని ఆయన తెలిపారు.

ట్రేడ్ లైసెన్స్ పేరుతో ఫోన్ కాల్స్..

కొంతమంది గుర్తు తెలియని వ్యక్తులు మున్సిపల్ కమిషనర్ పేరు చెప్పి వ్యాపారస్తులకు ఫోన్ చేస్తున్నారు. "మీ ట్రేడ్ లైసెన్స్ గడువు ముగిసింది, వెంటనే నగదు చెల్లించకపోతే లైసెన్స్ రద్దు అవుతుంది" అని భయపెడుతూ డబ్బులు డిమాండ్ చేస్తున్నట్లు గుర్తించారు.

మున్సిపల్ కమిషనర్ పి శ్రీహరి బాబు సూచించిన... 

 ప్రధానంగా 9392084710 అనే నంబర్ నుండి ఫోన్ కాల్స్ వస్తున్నాయని, ఆ నంబర్ తో జాగ్రత్తగా ఉండాలని సూచించారు.మున్సిపల్ కమిషనర్ పేరు మీద గానీ, మరే ఇతర ప్రైవేట్ నంబర్ల నుండి గానీ ఫోన్ చేసి Google Pay లేదా PhonePe చేయమని అడిగితే నమ్మవద్దు. ట్రేడ్ లైసెన్స్ ఫీజులు లేదా ఇతర మున్సిపల్ పన్నులను కేవలం అధికారిక కార్యాలయంలో లేదా ప్రభుత్వ వెబ్‌సైట్ ద్వారా మాత్రమే చెల్లించాలి.

"మున్సిపల్ యంత్రాంగం ఎప్పుడూ ఫోన్ కాల్స్ ద్వారా వ్యక్తిగత ఖాతాలకు నగదు పంపమని కోరదు. ఇటువంటి అనుమానాస్పద ఫోన్ కాల్స్ వస్తే వెంటనే మున్సిపల్ కార్యాలయాన్ని సంప్రదించాలి."

 పి. శ్రీహరిబాబు, మున్సిపల్ కమిషనర్...

వ్యాపారస్తులు ఎవరూ కూడా ఇటువంటి మోసపూరిత మాటలు నమ్మి ఆర్థికంగా నష్టపోవద్దని, సైబర్ నేరగాళ్ల పట్ల అత్యంత అప్రమత్తంగా ఉండాలని ఆయన కోరారు. ఏదైనా సందేహం ఉంటే నేరుగా మున్సిపల్ కార్యాలయానికి వచ్చి అధికారులను కలవాలని స్పష్టం చేశారు.