ప్రాణాపాయ స్థితిలో ఉన్న తల్లి, బిడ్డను కాపాడిన డాక్టర్ లావు సుష్మా..

పేట లీలావతి హాస్పిటల్‌లో అద్భుతం... చిలకలూరిపేట: పట్టణంలోని ప్రముఖ వైద్యశాల లీలావతి హాస్పిటల్స్ మరోసారి తన ప్రత్యేకతను చాటుకుంది...

పేట లీలావతి హాస్పిటల్‌లో అద్భుతం...

చిలకలూరిపేట: పట్టణంలోని ప్రముఖ వైద్యశాల లీలావతి హాస్పిటల్స్ మరోసారి తన ప్రత్యేకతను చాటుకుంది. గైనకాలజిస్ట్ డాక్టర్ లావు సుష్మా ఆధ్వర్యంలో అత్యంత సంక్లిష్టమైన స్థితిలో ఉన్న గర్భిణికి శస్త్రచికిత్స నిర్వహించి, పండంటి ఆడబిడ్డను క్షేమంగా భూమిపైకి తెచ్చారు.

సంక్లిష్టమైన ఆరోగ్య పరిస్థితి...

ఈ కేసు వైద్యులకే ఒక సవాలుగా మారింది. సదరు గర్భిణికి ఇది మూడవ కాన్పు. గతంలో ఆమెకు రెండుసార్లు సిజేరియన్ (LSCS) జరగడమే కాకుండా, రెండో కాన్పులో తొమ్మిదవ నెలలో శిశువు గర్భంలోనే మరణించడం  కుటుంబ సభ్యులను ఆందోళనకు గురిచేసింది. ప్రస్తుత గర్భధారణ సమయంలో ఉమ్మనీరు బాగా తగ్గిపోవడం మరియు గత సర్జరీలకు సంబంధించిన కుట్లు వద్ద నొప్పి  ఉండటంతో పరిస్థితి విషమంగా మారింది.

అప్రమత్తమైన వైద్య బృందం..

మునుపటి సర్జరీల వల్ల ఏర్పడిన మచ్చల సున్నితత్వం కారణంగా గర్భాశయం దెబ్బతినే ప్రమాదం ఉందని గుర్తించిన డాక్టర్ లావు సుష్మా, ఏమాత్రం ఆలస్యం చేయకుండా అత్యవసర శస్త్రచికిత్స నిర్వహించారు. గర్భిణి ఆరోగ్య పరిస్థితిని ఎప్పటికప్పుడు పర్యవేక్షిస్తూ, ఎంతో చాకచక్యంగా డెలివరీ పూర్తి చేశారు.

పండంటి ఆడబిడ్డ జననం..

శస్త్రచికిత్స అనంతరం సదరు మహిళ 3.4 కిలోల బరువున్న ఆరోగ్యకరమైన ఆడబిడ్డకు జన్మనిచ్చారు. గతంలో ఒక బాబు ఉండగా, రెండో కాన్పులో పాపను కోల్పోయిన ఆ తల్లికి, ఇప్పుడు మూడో కాన్పులో పాప పుట్టడం పట్ల ఆ కుటుంబంలో ఆనందవల్లి విరిశాయి. ప్రస్తుతం తల్లి, బిడ్డ ఇద్దరూ క్షేమంగా ఉన్నట్లు డాక్టర్ సుష్మా తెలిపారు.

వైద్యులకు కృతజ్ఞతలు...

క్లిష్ట పరిస్థితుల్లో కూడా ధైర్యంగా చికిత్స అందించి, తమ బిడ్డను కాపాడిన డాక్టర్ లావు సుష్మాకు మరియు లీలావతి హాస్పిటల్ సిబ్బందికి ఆ కుటుంబ సభ్యులు ప్రత్యేక కృతజ్ఞతలు తెలియజేశారు.