అక్టోబర్‌ 2012లో సుప్రీంకోర్టు విచారణలో సిబిఐ ఒక మాట చెప్పిందని, విచారణ పూర్తి చేయడానికి మూడు నెలల గడువు ఇవ్వాలని కోరింది. 8నెలల తర్వాత సుప్రీంకోర్టు సాక్షిగా సిబిఐ మాట మార్చిందని తెలిపారు. మరో 4 నెలలు గడువు కావాలంటూ కోర్టుకు సిబిఐ తెలిపిందన్నారు. ఉత్తర్వులు వెలువడిన మరుక్షణమే కోర్టును అగౌరవపరిచేలా సిబిఐ లాయర్‌ మాట్లాడారన్నారు. దర్యాప్తుకు గడువు లేదంటూ సిబిఐ లాయర్‌ సంకేతాలిచ్చారని అన్నారు. మరింత గడువు కోసం కొత్త కారణాలు చూపిస్తోందన్నారు. సజావుగా దర్యాప్తు చేయకూడదన్న దురుద్దేశం ఇందులో కనిపిస్తోందన్నారు.

సిబిఐ స్వతంత్రంగా వ్యవహరిస్తున్నట్టు, సరిగా విధులు నిర్వర్తిస్తున్నట్టు ఏ కోశాన కనిపించట్లేదన్నారు. సిబిఐ దర్యాప్తు కాలంలో వైఎస్‌ జగన్‌ ఎలాంటి పదవిలో లేరన్నారు. 2004- 2009 మధ్య కాలంలో జగన్‌ ఎంపీ కాదు, ఎమ్మెల్యే కాదన్నారు. 2001నుంచి బెంగళూరులోనే జగన్‌ నివాసమున్నారని తెలిపారు. నిబద్దత, అంకితభావంతో జగన్‌ వ్యాపారం నిర్వహించారన్నారు. డా.వైఎస్సార్‌ మరణించిన 15నెలల తర్వాత ఆరోపణలు మొదలయ్యాయని తెలిపారు. జగన్‌ కాంగ్రెస్‌ను విడిచిపెట్టిన నెల రోజుల తర్వాత ఎమ్మెల్యే శంకర్రావు లేఖ రాశారని, ప్రతిఫలంగా శంకర్రావును రాష్ట్ర క్యాబినెట్‌లో మంత్రిగా తీసుకున్నారని అన్నారు. ఆ తర్వాత ఇదే కేసులో తెలుగుదేశం పార్టీ కూడా జత కలిసిందన్నారు. హైకోర్టు ఆదేశాలకు ప్రభుత్వం ఉద్దేశపూర్వకంగా సమాధానం చెప్పలేదన్నారు. ప్రభుత్వ వైఖరితో హైకోర్టు సిబిఐ దర్యాప్తుకు ఆదేశించిందని తెలిపారు.

రాష్ట్ర విశాల ప్రయోజనాల దృష్ట్యా వైఎస్‌ఆర్‌ నిర్ణయాలు తీసుకున్నారని, వాటిని సమర్థించుకునేందుకు ఆయన ఈనాడు మనమధ్య లేరన్నారు. నాడు నిర్ణయాల్లో భాగస్వాములైన మంత్రులంతా.. నేడు నోరు మెదపట్లేదని ఆవేదన వ్యక్తం చేశారు. పైగా కేసులు ఎదుర్కొంటున్న మంత్రులందరికి ప్రభుత్వమే న్యాయ సాయం చేస్తోందన్నారు. 26 జీవోలు నిబంధనల ప్రకారమే జారీ అంటూ మంత్రులు అఫిడవిట్‌ దాఖలు చేశారని, నాటి ప్రభుత్వంలో ఎలాంటి భాగస్వామి కాని జగన్‌ ఎలా బాధ్యుడవుతారని ప్రశ్నించారు. ఉద్దేశ పూర్వకంగానే సిబిఐ జెడి దర్యాప్తును సాగదీస్తున్నారని ఆరోపించారు. కొన్ని అంశాలను ఎంపిక చేసుకుని మరీ లీకులిస్తున్నారని అన్నారు. వైఎస్‌ జగన్‌ను, ఆయన పార్టీని దెబ్బతీసేలా వ్యవహరిస్తున్నారన్నారు. కొందరు మీడియా ప్రతినిధులకు సిబిఐ జెడి వందలాది కాల్స్‌ చేశారని తెలిపారు.

ప్రారంభించిన ఐదేళ్లలో సాక్షి పత్రిక దేశంలోనే ఏడో స్థానానికి చేరిందని వెల్లడించారు. కోటి 43 లక్షల రీడర్‌షిప్‌ సాక్షి పత్రిక సొంతమన్నారు. ఇంత ఘనచరిత్ర ఉన్న సాక్షి రాత్రికి రాత్రే డమ్మీ కంపెనీలా మారుతుందా? అని ప్రశ్నించారు. షేర్‌హోల్డర్ల సంపద పెంచడమే కాకుండా 40వేల కుటుంబాలకు జగన్‌ ఉపాధి చూపారన్నారు. ఈనాడు పత్రికలా మేం వ్యవహరించలేదన్నారు. 1800 కోట్ల నష్టాల్లో ఉన్న ఈనాడు రూ.100 షేరును రూ.5.26లక్షలకు విక్రయించిందని గుర్తు చేశారు.

జిఎస్‌ ఆర్‌ కార్పొరేషన్‌.. విజే ప్రొడక్షన్స్‌ అందిస్తున్నారు. నిర్మాతలు మాట్లాడుతూ… ముగ్గురి వైవిధ్యమైన జీవిత కథలు ఇందులో ఉంటాయి. సమాజంలో స్త్రీపై జరుగుతున్న సంఘటనలు వారు ఎదుర్కొంటున్న విషయాలు ఇందులో కూలంకషంగా చర్చించాం. ప్రస్తుతం పోస్ట్‌ప్రొడక్షన్స్‌ పూర్తికావచ్చింది. ఈ నెలాఖరులో విడుదల చేస్తాం అన్నారు.

మంచి ఆకర్షణీ యమైన రూపంతో ఆకట్టుకునే మాటతీరుతో అనసూయ బుల్లితెరపై చాలా తక్కువ సమయంలోనే గుర్తింపు సాధించింది. ప్రస్తుతం తను ఓ అగ్ర హీరో నటించే సినిమాలో ఓ ఐటెం సాంగ్‌ చేయడానికి తాజాగా అంగీకరిం చిందట. ఇందుకుగాను భారీ పారితోషికం కూడా ఆమెకు ముడుతోంది. ఐటెం సాంగ్స్‌తో బాటు అవకాశం వస్తే కథానాయికగా కూడా ఓ మెరుపు మెరవాలని అనసూయ ఉబలాట పడుతోందని సమాచారం !

తెలుగుదేశం సీనియర్ నాయకుడు కడియం శ్రీహరి పార్టీకి రాజీనామా చేసి తెలుగుదేశంకు షాకిచ్చారు.గత కొద్దిరోజులుగా ఆయన పై ప్రచారం జరుగుతున్నప్పట్టికీ ఆయన ఖండిస్తూ వస్తున్నారు.తెలంగాణ వాదిగా గుర్తింపు పొందిన శ్రీహరి 1994,99లలోను వరంగల్ జిల్లా స్ఏషన్ ఘనపూర్ నియోజకవర్గం నుంచి ఎన్నికయ్యారు.
ఎన్.టి.ఆర్.క్యాబినెట్ లో, అలాగే చంద్రబాబు క్యాబినెట్ లోను 1994-2004 వరకు మంత్రిగా ఉన్నారు. గత ఏడాది జరిగిన అఖిలపక్ష సమావేశానికి కూడా ఆయన టిడిపి ప్రతినిధిగా హాజరై సమర్దంగా తన వాదన వినిపించారు. కాని ఆశ్చర్యంగా ఆయనే పార్టీని వీడడం విశేషం.
గత ఉప ఎన్నికలో పార్టీ ఓడిపోవడంతో ఆయనలో సందేహాలు ఏర్పడి ఉండవచ్చని భావన ఉంది. దీంతో ఆయన పార్టీని వీడడానికి నిర్ణయం తీసుకున్నారు.కాగా ఆయనను కెసిఆర్ కుమారుడు కెటిఆర్ కలిసి టిఆర్ఎస్ లో రావాలని కూడా ఆహ్వానించారు.ఈ నేపధ్యంలో కడియం టిఆర్ఎస్ లో చేరడం దాదాపు ఖరారు కావచ్చు.

మాకు అనుమానాలున్నాయి…
జగన్ కు బెయిల్ ఇవ్వలేమన్న సుప్రీం కోర్టు నిర్ణయం వైఎస్సార్ సిపి వర్గాల్లో నిరాశను నింపింది. కేసులో నిందితులుగా ఉన్న రాష్ట్ర మంత్రులు, ఉన్నతాధికారులు బయట స్వేచ్చగా తిరుగుతున్నా ఎలాంటి అధికార పరిధిలోలేని జగన్ సాక్షులను ఎలా ప్రభావితం చేస్తారో కోర్టు వెల్లడిస్తే బావుండేదని వైఎస్సార్ సిపి అభిప్రాయపడింది.
సిబిఐ కాంగ్రెస్ చేతిలో పావులా ఆడుతోందని వైఎస్సార్ సిపి నాయకులు కొణతాల రామకృష్ణ, అంబటి రాంబాబు జూపూడి ప్రభాకర్ రావు వ్యాఖ్యానించారు. మోకాలి నొప్పి పేరుతో టిడిపి అధినేత చంద్రబాబు, రాష్ట్ర ముఖ్యమంత్రి, పిసిసి అధ్యక్షుడు బొత్స సత్యనారాయణ ఢిల్లీలో ఉండి చక్రం తిప్పారని తాము భావిస్తున్నామని వారు అభిప్రాయపడ్డారు