హైదరాబాద్: సీబీఐ జాయింట్ డైరెక్టర్ లక్ష్మీనారాయణ దర్యాప్తు అధికారిగా విఫలమయ్యారని వైఎస్సార్ కాంగ్రెస్ పార్టీ నేత అంబటి రాంబాబు విమర్శించారు. ఆయన సీబీఐ అధికారిగా వ్యవహరించడం లేదని ఆరోపించారు. సీబీఐ మాన్యువల్ ప్రకారం ఎందుకు నడుచుకోవడం లేదని లక్ష్మీనారాయణను ప్రశ్నించారు. జగన్ వ్యతిరేకులతో ఆయన చేతులు కలిపారని రాంబాబు ఆరోపించారు. న్యాయం, ధర్మం తమవైపే ఉన్నాయని అన్నారు.
మహిళను అడ్డుపెట్టుకుని తనను బదనాం చేయడానికి వైఎస్సార్ కాంగ్రెస్ నేతలు ప్రయత్నిస్తున్నారని సీబీఐ జేడీ చేసిన ఆరోపణలను ఆయన కొట్టిపారేశారు. తాము ఆకోవకు చెందిన మనుషులం కాదన్నారు. లక్ష్మీనారాయణే మహిళను అడ్డుపెట్టుకుని తమపై బురద చల్లుతున్నారని విమర్శించారు.
Loading ...
Comments